Pòtoprens madi 4 dawout 2020.-: Biwo Sekretè Deta Alfabetizasyon reyalize yon misyon nan depatman Sidès, sòti 27 pou rive 30 jiye 2020 an, nan lide pou ranfòse sistèm Alfabetizasyon an nan depatman an.
Sekretè Deta Alfabetizasyon an, Mesye Hervé Saintilus, ki te gen ak li yon delegasyon, rankontre divès otorite ak anpil lòt pèsonaj enpòtan nan depatman an tankou : Delege depatmantal, Pierre Michel LAFONTANT, Majistra yo nan vil Jakmel la, Maky KESSA, Lourdie CESAR, Komisè gouvenman nan tribinal premyè enstans, Me Lyonel CHERIMA, Prezidan Asosyasyon KAZEK depatman sidès, Gaumer SAINT-LOUIS, reprezantant oganizasyon fanm deside, Marie Ange NOEL, reprezantan lajistis, Benisoit JEAN PIERRE.
Sekretè deta a te rankontre tou monseyè dyosez Jakmèl la, Marie Erick Glandas Toussaint ki pwomet pou yo akonpanye relans ofisyel pwogram alfabetizasyon an.
Misyon sa te gen pou objektif, ranfòse kòdinasyon depatmantal alfaberizasyon Sidès la, reyalize fòmasyon pou manm kòdinasyon an ak fòme plis pase 20 jèn nouvo fomatè.
Misyon an jwen sipò chef Gouvènman Jouthe la ki kwè Alfabetizasyon se yon zouti enpòtan nan devlopman peyi a.
-Fen-
