Sou enstriksyon Premye Minis Jack Guy Lafontant ak Minis lajistis ak sekirite piblik la Jean Roody Aly, Sekretè deta Sekirite Piblik nan tèt kole ak Komisè gouvènman, Delege depatmantal Lwès la, Majistra Kenscof la, Polis Nasyonal la te mennen yon kokenn chenn operasyon nan Fèm Ekologik Wynn ki tabli nan komin Kenscoff.
Operasyon sa ki te mennen nan kad aktivite BRICIF yo te pèmèt yo kwape zak brigandaj yon ekip endividi ki monte dèyè do lalwa sou teren fèm nan. Yo te tou pwofite demoli plizyè kanpman ke yo te tabli san otorisasyon.
Ekip Fèm Wynn ak Popilasyon an te remesye otorite yo e manifeste kontantman yo pou batay ke BRICIF ap mennen kont tout espolyatè ak vòlè tè .
